వైశాఖ పురాణం – 4 వ అధ్యాయం – వివిధ దానములు – వాని మాహత్మ్యములు
వైశాఖ పురాణం (Vaisakha Puranam) యొక్క నాలుగవ అధ్యాయం నందు దానం అనేది పుణ్యం సంపాదించే గొప్ప మార్గం. ఇది ఇచ్చే వారికి మాత్రమే కాకుండా, తీసుకునే వారికీ సహాయం చేస్తుంది. అన్నం (Meal), బట్టలు (Cloths), ఆవులు (Cows), భూమి (Land), వెండి (Silver) , బంగారం ఇలా దానాలు చేయడానికి ఎన్నో రకాలు ఉన్నాయి. ఆకలితో ఉన్న వారికి అన్నం పెట్టడం అన్నదానం అంటే చాలా పుణ్యం. బట్టలు లేని వారికి వస్త్రదానం చేయడం కూడా అంతే పుణ్యం. ఆవును దానం చేయడం, అంటే గోదానం, చాలా మంచి ఫలితాలని ఇస్తుంది. భూమి దానం చేయడం, భూదానం కూడా దాతకు పుణ్యం కలుగజేస్తుంది.
అంతేకాకుండా వెండి (రుప్యం), బంగారం (Gold) కూడా దానం చేయొచ్చు. పెద్దగా ఆస్తి లేకపోయినా పువ్వు, పండు, ఒక్క గ్లాసు నీరు కూడా దానంగా ఇవ్వచ్చు. ముఖ్యంగా దానం చేసేటప్పుడు మనసులో దురాశ, అహంకారం లేకుండా చేయాలి. ఇలా దానం చేయడం వల్ల దాతకు, దానం తీసుకునే వారికి ఇద్దరికీ మంచి జరుగుతుంది. వైశాఖ పురాణం – 4 వ అధ్యాయం (Vaisakha Puranam – Day 4) నందు ఈ క్రింది విధముగా . . .
Vaisakha Puranam – Day 4
వివిధ దానములు – వాని మాహత్మ్యములు
|| అర్జున ఉవాచ ||
పద్మపత్ర విశాలాక్ష పద్మనాభ సురోత్తమ ।
భక్తానా మనురక్తానాం త్రాతా భవ జనార్దన ||
నారదమహర్షి (Narada Muni) మాటలను వినిన అంబరీష మహారాజు నారదమహర్షికి నమస్కరించి మహర్షీ ! వైశాఖమాసమున చేయదగిన దానము లివియేనా? మరి యింకనూ ఉన్నవా? అవి యేవి? వాని ఫలితములను గూడ దయ యుంచి వివరింపుమని కోరెను.
అప్పుడు నారదమహర్షి యిట్లనెను. చల్లనిగాలి తగులుచు సుఖనిద్రను కలిగించు పర్యంకమును (మంచమును) సద్బ్రాహ్మణ గృహస్థునకు దానమిచ్చినవారు ధర్మసాధనకు హేతువైన శరీరమున వ్యాధి బాధలు లేకుండా జీవింతురు. ఎట్టి తాపత్రయములు ఆధివ్యాధులు లేకుండా సుఖముగ జీవింతురు. ఇహలోకసుఖముల ననుభవింతురు. పాపములు లేకుండనుందురు. అంతియేకాదు మహాయోగులు సైతము పొందలేని అఖండమోక్ష సామ్రాజ్యమునందుదురు. వైశాఖమాసపు (Vaisakha Masam) ఎండలకు బాధపడినవారికి, బ్రాహ్మణ శ్రేష్ఠులకు, శ్రమను పోగొట్టునట్టి యుత్తమ పర్యంకమునిచ్చిన, ఇహలోకముననెట్టి బాధను పొందరు. ఆ సత్పురుషుడు, సద్బ్రాహ్మణుడు ఆ శయనముపై శయనించినను, కూర్చున్నను, దాత తెలిసీ తెలియక చేసిన సర్వ పాపములును అగ్నిచే కర్పూరము దహింప బడినట్లు నశించును. ఇహలోక సుఖములను అను భవించి మోక్షమును పొందును.
స్నాన మాత్రముననే పుణ్యములనిచ్చు వైశాఖ మాసమున కశిపును (పరుపు లేక వస్త్రము) మంచముపై మంచి ఆచ్ఛాదనము గల పరుపును, ఉత్తమమైన ఆహారమును దానము చేయువారు చక్రవర్తులై చక్రవర్తి సమానులై తమ వంశము వారితో బాటు శారీరక , మానసిక బాధలు లేకుండా సుఖ శాంతులతో అభివృద్ధిని అందుదురు. ఆయురారోగ్యములను, కీర్తిప్రతిష్ఠలను పొందుదురు. నూరు తరముల వరకు వాని కులమున ధర్మహీనుడు జన్మింపడు. తుదకు ముక్తినందును. శ్రోత్రియుడైన సద్బ్రాహ్మణునకు ఆ మంచముపై పరుపుతో పాటు దిండును కూడ దానము ఇచ్చినచో, సుఖ నిద్రకు కారణమైన మంచమును, పరుపును, దిండును ఇచ్చుటచే ఆ దాత, అందరకు అన్నివిధముల ఉపకారము చేయువాడై ప్రతిజన్మయందును, సుఖవంతుడు, భోగవంతుడు, ధర్మ పరాయణుడై అన్నిటా విజయమునందుచు ఏడు జన్మల వరకు మహా వైభవముగ గడిపి తుదకు ముక్తినందును. తనతోబాటు ఏడు తరములవారికిని ముక్తిని కలిగించును.
గడ్డి తుంగ మున్నగువానిచే నిర్మితమైన చాపను దానమిచ్చినచో శ్రీమహావిష్ణువు (Lord Vishnu) సంప్రీతితో తానే దానియందు శయనించును. ఊర్ణ, ఉన్ని, గొఱ్ఱె బొచ్చు (Wool) నీటియందు పడినను తడవకనుండునో అట్లే పర్యంక శయ్యా దానము చేసినవారు. సంసార సముద్రములోనున్నను ఆ వికారములంటని స్థితిని పొందుదురు. అట్టి పర్యంక శయ్యా దానమును చేయలేనివారు కట (చాప) దానమును చేయవచ్చును. శక్తియుండి పర్యంక శయ్యా దానము చేసిన వచ్చునట్టి పుణ్యమే అశక్తులై కట శయ్యా దానము చేసిన వారికిని వచ్చును. పడుకొనిన వారికి నిద్రచే శ్రమ, దుఃఖము నశించును. అట్టి నిద్రను కలిగించు కటదానము దాతకు సర్వ సుఖములను ఇచ్చును. రాజా ! వైశాఖమాసమున కంబళి (Blanket) దానము చేసినవానికి అపమృత్యువును పోగొట్టి చిరకాలము నిశ్చింతగా సుఖజీవనము కలవానిని గావించును.
ఎండచే పీడింపబడినవానికి వస్త్రమును దానము చేసినచో పరిపూర్ణ ఆయుర్దాయమునంది తుదకు ముక్తినందును. లోని తాపమును పోగొట్టి కర్పూరమును (Camphor) దానమిచ్చినచో ముక్తి, ఆనందము కలుగును. దుఃఖములు నశించును. ఉత్తమ బ్రాహ్మణునకు పుష్పములు దానము ఇచ్చినచో సర్వజనులను వశపరచుకొన్న మహారాజై చిర కాలము సుఖించును. కుమారులు, మనుమలు మున్నగువారితో సర్వ సౌఖ్యములనంది ముక్తినందును. సూర్యుడు మేష రాశిలో (Mesha Rasi) నుండగా వైశాఖ మాసమున కర్పూర, తాంబూల దానము ఇచ్చినచో చక్రవర్తియై మోక్షమును పొందుదురు. చర్మమునకు ఎముకలకు గల సంతాపమును పోగొట్టు చందనమును (Chandan) దానమిచ్చినచో సంసార తాపత్రయమునశించి సుఖించును.
దుఃఖములు, పాపములు లేకుండ జీవించి ముక్తి నందును. కస్తూరి మున్నగు సుగంధ ద్రవ్యములను ఇచ్చినచో ఎట్టి బాధలు లేకుండా జీవించి మోక్షమునందును. పద్మమాలను గాని అడవిమల్లెల మాలనుగాని దానమిచ్చినచో చక్రవర్తియై సర్వజన మనోహరుడై చిరకాలము జీవించి ముక్తినందును. వైశాఖమున మొగలి (Kewda), మల్లెపువ్వులు (Jasmine) దానమిచ్చినచో మధుసూదనుని యనుగ్రహమున సుఖ భోగములనంది ముక్తి నందును. పోక చెక్కలను , సుగంధద్రవ్యమును, కొబ్బరి కాయలను (Coconut) దానమిచ్చినచో ఏడు జన్మలవరకు బ్రాహ్మణుడై జన్మించి వేదపండితుడు, ధనవంతుడై యుండి ఏడు తరములవారితో గలసి ముక్తినందును.
సద్బ్రాహ్మణుని ఇంటిలో విశ్రాంతి మండపమును కట్టించి ఇచ్చినచో వాని పుణ్యము ఇంతయని చెప్పుటకు మాటలకందనిది సుమా. నీడను ఇచ్చు మండపము, నీడలోనున్న ఇసుక తిన్నెలు, చలివేంద్రము వీనిని నిర్మించి బాటసారులకు, జనులకు ఉపకారము చేసినవారు లోకాధిపతులు అగుదురు.
మార్గమున తోట, చెరువు, నూయి, మండపము, వీనిని నిర్మింపజేసిన వానికి పుత్రులు లేకున్నను ధర్మలోపము కదా యని భయము లేదు. నూయి, చెరువు, తోట, విశ్రాంతి మండపము, చలివేంద్రము, పరులకుపయోగించు మంచి పనులు చేయుట, పుత్రుడు ఇవి ఏడును సప్త సంతానములని పెద్దలు చెప్పుచున్నారు. వీనిలోనేయొకటి చేయకున్నను మానవునకు పుణ్యలోకప్రాప్తి లేదు. సచ్ఛాస్త్ర శ్రవణము, తీర్థయాత్ర, సజ్జన సాంగత్యము, జలదానము, అన్నదానము, అశ్వర్థరోపణము (రావి చెట్టును నాటుట) పుత్రుడు అను ఏడును సప్తసంతానములని వేదవేత్తలు చెప్పుచున్నారు.
వందల కొలది ధర్మ కార్యములను చేసినను సంతానము లేనివానికి పుణ్యలోక ప్రాప్తి లేకుండుట చేత అతడు పైన చెప్పిన ఏడు సంతానములలో యథా శక్తిగ వేనినైనను ఏ ఒక దానినైనను చేసి సంతాన వంతుడై పుణ్యలోకములనందవచ్చును. పుణ్యపాప వివేకములేని పశువులు, పక్షులు, మృగములు, వృక్షములు సద్ధర్మాచరణ లేకపోవుటచే పుణ్యలోకప్రాప్తినందవు. కానీ పుణ్యపాప వివేచనాశక్తి కలిగిన మానవులీ సద్ధర్మముల నాచరింపనిచో వారికి పుణ్యలోకములెట్లు కలుగును.
ఉత్తమములైన పోకచెక్కలు , కర్పూరము మున్నగు సుగంధద్రవ్యములు కల తాంబూలమును సద్బ్రాహ్మణునకు దానమిచ్చిన వారి పాపములన్నియు పోవును. తాంబూల దాత కీర్తిని ధైర్యమును , సంపదను పొందును. నిశ్చయము, రోగియైనవాడు తాంబూల దానము నిచ్చినచో రోగవిముక్తుడగును. ఆరోగ్యము కలవాడు తాంబూల దానమిచ్చినచో ముక్తినందును. వైషాఖ మాసమున తాప హారకమైన తక్రమును (మజ్జిగ – Butter Milk) దానమిచ్చినవాదు విద్యావంతుడు, ధనవంతుడు నగును. కావున వేసవి కాలము నందు తక్రదానము తప్పక చేయదగినది సుమా. వేసవి కాలమున ప్రయాణము చేసి అలసిన వానికి మజ్జిగ నిచ్చిన మరింత పుణ్యమును కలిగించును. నిమ్మపండ్ల రసము ఉప్పు కలిపిన మజ్జిగయైన దప్పిక కలవానికి హితకరముగ నుండును.
వైశాఖ మాసమున దప్పిక తీరుటకై బాటసారులకు సద్బ్రాహ్మణులకు పెరుగు కుండనిచ్చినచో కలుగు పుణ్యమెంతటిదో నేను చెప్పజాలను. అనంత పుణ్యము కలుగునని భావము. లక్ష్మీ వల్లభుడైన మధుసూదనునకు ప్రియమైన వైశాఖ మాసమున శ్రేష్ఠమైన బియ్యమును దానము ఇచ్చినవారు పూర్ణ ఆయుర్దాయమును, అన్ని యజ్ఞములు చేసిన పుణ్యఫలమును పొందును. తేజోరూపమైన గోఘృతమును (ఆవునెయ్యి – Cow Ghee) సద్బ్రాహ్మణునకు దానమిచ్చిన వారు అశ్వమేధ యాగ పుణ్యమునంది తుదకు విష్ణు పదమును చేరుదురు.
విష్ణు ప్రీతికరమైన వైశాఖ మాసమున బెల్లమును దోసకాయను దానమును ఇచ్చినవారు సర్వ పాపములను పోగొట్టుకొని శ్వేత ద్వీపమున వసింతురు. పగటి ఎండకు అలసినవానికి సాయంకాలమున చెరకు గడను బ్రాహ్మణునకు దానము ఇచ్చినచో వానికి గలుగు పుణ్యమనంతము. వైశాఖ మాసమున సాయంకాలమున ఎండకు అలసిన బ్రాహ్మణునకు పానకమును దానమిచ్చినచో చేసిన పాపములను పోగొట్టుకొని విష్ణు లోకమును చేరును. పండ్లను పానకమును దానమిచ్చినచో దాత యొక్క పితృదేవతలు అమృతపానము చేసినంత ఆనందమును పొందుదురు. దాతకు వాని పితృదేవతల ఆశీస్సులు లభించును. వైశాఖమాసమున పానకముతో బాటు మామిడి పండ్లను దానమిచ్చినచో సర్వపాపములు హరించును. పుణ్యలోకప్రాప్తి కలుగును.
చైత్ర మాసము నందు అమావాస్యయందు పానకము నిండిన కుండను దానమిచ్చినచో గయా క్షేత్రమున నూరుమార్లు పితృశ్రాద్ధము చేసినంత పుణ్యము కలుగును. ఆ పానకమున కస్తూరి, కర్పూరము, వట్టివేళ్లు మొదలగు వాటిని కలిపి చైత్రమాసము నందలి అమావాస్యయందు దానమిచ్చినచో వివిధ రీతులలో చేయవలసిన శ్రాద్ధముల నిర్వర్తించిన పుణ్యము కలుగును అని నారదుడు అంబరీష మహారాజునకు వివరించెను.
వైశాఖ పురాణం నాలుగవ అధ్యాయము సంపూర్ణం.
Read more Puranas:
