Thiruppavai Pasuram – Day 4 | తిరుప్పావై పాశురము – 4వ రోజు

Thiruppavai Pasuram – తిరుప్పావై పాశురము నాలుగవ రోజు

శ్రీమన్నారాయణుడు అమ్మవారితో చెప్పిన నామసంకీర్తనము Thiruppavai Pasuram – తిరుప్పావై పాశురము, శరణాగతి, పుష్పార్చన అనే సులభోపాయాలను లోకానికి అందించేందుకు గోదాదేవి – Godadevi (ఆండాళ్ – Andal) భూమిపై అవతరించింది. శ్రీరంగనాథుడిని (Sri Ranganatha Swamy) భర్తగా పొందాలనే సంకల్పంతో, ద్వాపరయుగంలో గోపికలు చేసిన వ్రతాన్ని అనుసరిస్తూ ఆమె “తిరుప్పావై – Thiruppavai” అనే 30 పాశురాలను రచించింది. భగవంతుని అనుగ్రహం పొంది, సంసార దుఃఖాల నుండి విముక్తి పొందడమే ఈ వ్రతం యొక్క ప్రధాన ఉద్దేశ్యం.

ఈ దివ్య ప్రబంధంలో మొదటి ఐదు పాశురాలు వ్రత విధానాన్ని వివరించగా, తదుపరి పాశురాలలో నందగోపుడు, యశోద (Yashoda), బలరాముడు (Balarama) మరియు శ్రీకృష్ణ (Lord Sri Krishna) నీలాదేవులను మేల్కొలిపే ఘట్టాలు ఉన్నాయి. చివరగా, భగవంతుని సభాస్థలిలో కొలువుదీరమని ప్రార్థిస్తూ, కేవలం ప్రాపంచిక కోరికల కోసం కాకుండా, సర్వకాల సర్వావస్థలయందు స్వామికి కైంకర్యం (సేవ) చేసే భాగ్యాన్ని ప్రసాదించమని వేడుకోవడమే తిరుప్పావైలోని అంతరార్థం. తిరుప్పావై నందు కల నాల్గవ పాశురము ఈ క్రింది విధముగా . . .

Thiruppavai Pasuram – Day 4

తిరుప్పావై  4వ పాశురము

Credits: BharatiyaSamskruthi

భావము:

ఓ పర్జన్య దైవమా ! వర్షమును కురిపించుటలో లోభత్వమును జూపకుము. నీవు సముద్రములోని నీటి నంతను కడుపు నిండుగ త్రాగుము, అటు పిదప నీవు పైకెగసి, సృష్టికంతకును కారణభూతుడైన ఆ శ్రీమన్నారాయణుని (Srimannarayana) శరీరపు రంగు వలె నీ శరీరమునకును ఆ నలుపురంగు నద్దుకొనుము. స్వామి కుడి చేతియందున్న సుదర్శన చక్రము (Sudharshana Chakra) వలె మెరయుము. ఎడమ చేతిలోని పాంచజన్య శంఖమువలె గంభీరముగా గర్జించుము. స్వామి సారంగమను ధనుస్సు నుండి వెడలే అవిరళ శరాలుగ వర్ష ధారలను కురిపించుము. మేమందరము యీ వర్ష ధారలలో స్నానమాడెదము. లోకము సుఖించునట్లు వర్షించుము మా వ్రతమును నిరాటంకముగ జేసికొనుటకై ఇక ఏ మాత్రమూ ఆలసింపక వెంటనే వర్షింపుము స్వామీ!

అవతారిక:

సర్వ వ్యాపాకుడైన త్రివిక్రముని వ్యాపకత్వాన్ని యెరిగి ఆ పురుషోత్తముని కొలిచిన కలిగే ఫలితాలను గురించి 3వ పాశురంలో గోదాదేవి (Godadevi) వెల్లడించింది. అట్టి పరమాత్ముని యేమరక భక్తితో పూజించే శక్తియుక్తులు కావలెనన్న ముందు శారీరక శుద్ధి, ఆ పై అంతర్ శుద్ధి అవసరం కదా! అందుకే బాహ్య శుద్ధి కొరకు గోదాదేవి వర్ష దేవుడైన వర్జన్యుణ్ణి ప్రార్థంచి వ్రతాంగమైన స్నానానికై వర్షించమని కోరుతున్నదీ పాశురంలో.

4. వ మాలిక:

(ఉదయరవిచంద్రిక రాగము – ఆదితాళము – Adi Talam)

ప. వెనుదీయబోకుమా! వర్జన్యమా!

కనికరముంచుమ! వర్షాధిదైవతమ!

అ. ప. పానము చేయుమ! సాగర జలముల

ఘనమౌ గర్జన చేయగరమ్మా!

1.చ.ఆకాశమునకెగసి లోకకారణుని

పోకడి తిరుమేని నలుపు నలదుకొనుమ

2 చ. విశాల సుందర భుజ పద్మనాభుని    

అసదృశమగు చక్రమువలె మెరసి

ఆశనిపాత శంఖముగ గర్జించి

ఆ శార్జపు శరములుగ వర్షింపుమా

3 చ.ఆశల, లోకము సుఖముల నొందగ

 మాస మార్గళిని మాకై వర్షింపుమా

 వెనుదీయబోకుమా! పర్జన్యమా!      

ఆండాళ్ తిరువడిగలే శరణం..శరణం

Also Read

• 
  Thiruppavai Pasuram Day 1 | తిరుప్పావై పాశురము – 1వ రోజు
• 
  Thiruppavai Pasuram – Day 2 | తిరుప్పావై పాశురము 2వ రోజు
• 
  Thiruppavai Pasuram – Day 3 | తిరుప్పావై పాశురము – 3వ రోజు
• 
  Thiruppavai Pasuram – Day 4 | తిరుప్పావై పాశురము – 4వ రోజు
• 
  Thiruppavai Pasuram – Day 5 | తిరుప్పావై పాశురము – 5వ రోజు
• 
  Thiruppavai Pasuram – Day 6 | తిరుప్పావై పాశురము – 6వ రోజు