శ్రీ లక్ష్మీ హృదయ స్తోత్రం: అథర్వణ రహస్యంలోని అమూల్య రత్నం
శ్రీ లక్ష్మీ హృదయ స్తోత్రం – Sri Lakshmi Hrudaya Stotram అనేది దేవి లక్ష్మీకి అంకితమైన ఒక ప్రసిద్ధ స్తోత్రం. ఈ స్తోత్రంలో ప్రతి పద్యం లక్ష్మీదేవి (Lakshmi Devi) యొక్క ఒక గుణాన్ని లేదా లక్షణాన్ని స్తుతిస్తుంది. ఈ స్తోత్రం చాలా శక్తివంతమైనదిగా భావిస్తారు, దీనిని పఠించడం వల్ల సంపద, శ్రేయస్సు, సంతోషం, శాంతి లభిస్తాయని నమ్ముతారు. ఈ స్తోత్రం 14వ శతాబ్దానికి చెందిన శ్రీ భార్గవ ఋషి రచించినట్లు నమ్ముతారు. ఈ స్తోత్రాన్ని శ్రీ లక్ష్మి హృదయంగా (Sri Lakshmi Hrudayam) కూడా గుర్తిస్తారు.
నాలుగు వేదాలలో ఒకటైన అథర్వణ వేదం (Atharvaveda), అందున దుష్ట శక్తుల నుండి రక్షణతో సహా జీవితంలోని వివిధ అంశాలకు సంబంధించిన అనేక రకాల శ్లోకాలు, ఆచారాలు మరియు మంత్రాలను (Mantra) కలిగి ఉంది. శ్రీ లక్ష్మీ హృదయ స్తోత్రం, శ్రీ అథర్వణ రహస్యంలో కనుగొనబడింది అని స్తోత్ర చివరియందు చెప్పబడినది.
Sri Lakshmi Hrudaya Stotram యొక్క ప్రాముఖ్యత:
- లక్ష్మీదేవిని స్తుతిస్తుంది: ఈ స్తోత్రం పఠించడం ద్వారా భక్తులు లక్ష్మీదేవిని స్తుతిస్తారు, ఆమె అనుగ్రహం కోసం ప్రార్థిస్తారు.
- ఐశ్వర్యాన్ని ప్రసాదిస్తుంది: ఈ స్తోత్రం పఠించడం వల్ల ఐశ్వర్యం (Wealth), ధనం (Money), సంపదలు పెరుగుతాయని నమ్ముతారు. శ్రీ మహాలక్ష్మీ దేవి (Sri Maha Lakshmi) కరుణ ద్వారా భక్తులకు అవసరమైన ఐశ్వర్యం లభిస్తుందని విశ్వసిస్తారు.
- సంతోషం, శాంతిని ఇస్తుంది: లక్ష్మీదేవి సంతోషం, శాంతికి (Happiness and Peace) కూడా దేవత. ఈ స్తోత్రం పఠించడం వల్ల మనస్సు ప్రశాంతంగా ఉంటుంది, సంతోషం కలుగుతుందని నమ్ముతారు.
- పాపాలను పోగొట్టుతుంది: ఈ స్తోత్రం పఠించడం వల్ల పాపాలు క్షమించబడతాయని నమ్ముతారు. లక్ష్మీదేవి కరుణ ద్వారా భక్తులు తమ పాపాల నుండి విముక్తి పొందుతారని నమ్ముతారు.
- అన్ని కోరికలను నెరవేర్చుతుంది: ఈ స్తోత్రం పఠించడం ద్వారా భక్తుల కోరికలు నెరవేరతాయని నమ్ముతారు. లక్ష్మీదేవి శక్తి ద్వారా వారి కోరికలు నెరవేరతాయని, వారి జీవితాలలో శుభాలు జరుగుతాయని విశ్వసిస్తారు.
శ్రీ లక్ష్మీ హృదయ స్తోత్రం యొక్క విశేషాలు:
- లక్ష్మీదేవి స్వరూప వర్ణన: ఈ స్తోత్రంలో ప్రతి పద్యం లక్ష్మీదేవి (Lakshmi) ఒక గుణాన్ని లేదా లక్షణాన్ని స్తుతిస్తుంది. ఉదాహరణకు, ఒక పద్యం ఆమె అందాన్ని వర్ణిస్తే, మరొకటి ఆమె కరుణామయ హృదయాన్ని స్తుతిస్తుంది.
- సంపదల వృద్ధి: లక్ష్మీదేవిని సంపదాదేవతగా కొలుస్తారు. కాబట్టి, ఈ స్తోత్రం నిత్యం పఠించడం వల్ల ఆమె కటాక్షం భక్తులపై పడి, ధన, ధాన్యాలతో ఇల్లు నిండి, సంపదలు వృద్ధి చెందుతాయని నమ్ముతారు.
- సంతోష శాంతి ప్రాప్తి: ధనం ఉన్నా మనసు శాంతంగా లేకపోతే ప్రయోజనం ఏమి లేదు. లక్ష్మీదేవి కేవలం సంపదలకు మాత్రమే కాకుండా, సంతోషం, శాంతికి కూడా అధిష్ఠాత్రి. ఈ స్తోత్రం పఠించడం వల్ల మనస్సు ప్రశాంతంగా ఉంటుంది, ఆర్థిక కష్టాలు తొలగి, సంతోషం కలుగుతుందని విశ్వసిస్తారు.
- పాపాల నివృత్తి: శాస్త్రాల ప్రకారం, మన చేసే పనుల వల్ల పాపాలు చేరుతాయి. ఈ స్తోత్రం పఠించడం వల్ల లక్ష్మీదేవి కరుణ కటాక్షంతో భక్తుల పాపాలు హరించబడతాయని నమ్ముతారు.
- ఇష్టాల నెరవేర్పు: ప్రతి భక్తుడికి కొన్ని కోరికలు ఉంటాయి. ఈ స్తోత్రం పఠించడం వల్ల లక్ష్మీదేవి (Goddess Lakshmi) ఆ కోరికలను తెలుసుకుని, ఆమె అనుగ్రహంతో నెరవేర్చడానికి ప్రయత్నిస్తుందని భక్తుల విశ్వాసం.
ముగింపు:
శ్రీ లక్ష్మీ హృదయ స్తోత్రం (Sri Lakshmi Hrudaya Stotram) లక్ష్మీదేవి భక్తులకు ఒక అద్భుతమైన స్తోత్రం. ఈ స్తోత్రం పఠించడం ద్వారా లక్ష్మీదేవి అనుగ్రహం పొందడమే కాకుండా, సంపద, శ్రేయస్సు, సంతోషం, శాంతి లభిస్తాయని నమ్ముతారు. ఈ స్తోత్రాన్ని పఠించడం ద్వారా ఆమె ఆశీస్సులు పొందవచ్చు.
Sri Lakshmi Hrudaya Stotram Telugu
శ్రీ లక్ష్మీ హృదయ స్తోత్రం తెలుగు
అస్య శ్రీ మహాలక్ష్మీహృదయస్తోత్ర మహామంత్రస్య భార్గవ ఋషిః, అనుష్టుపాదీని నానాఛందాంసి, ఆద్యాది శ్రీమహాలక్ష్మీర్దేవతా, శ్రీం బీజం, హ్రీం శక్తిః, ఐం కీలకం, ఆద్యాదిమహాలక్ష్మీ ప్రసాదసిద్ధ్యర్థం జపే వినియోగః ॥
ఋష్యాదిన్యాసః –
ఓం భార్గవృషయే నమః శిరసి ।
ఓం అనుష్టుపాదినానాఛందోభ్యో నమో ముఖే ।
ఓం ఆద్యాదిశ్రీమహాలక్ష్మీ దేవతాయై నమో హృదయే ।
ఓం శ్రీం బీజాయ నమో గుహ్యే ।
ఓం హ్రీం శక్తయే నమః పాదయోః ।
ఓం ఐం కీలకాయ నమో నాభౌ ।
ఓం వినియోగాయ నమః సర్వాంగే ।
కరన్యాసః –
ఓం శ్రీం అంగుష్ఠాభ్యాం నమః ।
ఓం హ్రీం తర్జనీభ్యాం నమః ।
ఓం ఐం మధ్యమాభ్యాం నమః ।
ఓం శ్రీం అనామికాభ్యాం నమః ।
ఓం హ్రీం కనిష్ఠికాభ్యాం నమః ।
ఓం ఐం కరతల కరపృష్ఠాభ్యాం నమః ।
అంగన్యాసః –
ఓం శ్రీం హృదయాయ నమః ।
ఓం హ్రీం శిరసే స్వాహా ।
ఓం ఐం శిఖాయై వషట్ ।
ఓం శ్రీం కవచాయ హుమ్ ।
ఓం హ్రీం నేత్రత్రయాయ వౌషట్ ।
ఓం ఐం అస్త్రాయ ఫట్ ।
ఓం శ్రీం హ్రీం ఐం ఇతి దిగ్బంధః ।
అథ ధ్యానమ్ ।
హస్తద్వయేన కమలే ధారయంతీం స్వలీలయా ।
హారనూపురసంయుక్తాం లక్ష్మీం దేవీం విచింతయే ॥
కౌశేయపీతవసనామరవిందనేత్రాం
పద్మద్వయాభయవరోద్యతపద్మహస్తామ్ ।
ఉద్యచ్ఛతార్కసదృశీం పరమాంకసంస్థాం
ధ్యాయేద్విధీశనతపాదయుగాం జనిత్రీమ్ ॥
పీతవస్త్రాం సువర్ణాంగీం పద్మహస్తద్వాయాన్వితామ్ ।
లక్ష్మీం ధ్యాత్వేతి మంత్రేణ స భవేత్పృథివీపతిః ॥
మాతులుంగం గదాం ఖేటం పాణౌ పాత్రం చ బిభ్రతీ ।
నాగం లింగం చ యోనిం చ బిభ్రతీం చైవ మూర్ధని ॥
[ ఇతి ధ్యాత్వా మానసోపచారైః సంపూజ్య ।
శంఖచక్రగదాహస్తే శుభ్రవర్ణే సువాసినీ ।
మమ దేహి వరం లక్ష్మీః సర్వసిద్ధిప్రదాయినీ ।
ఇతి సంప్రార్థ్య ఓం శ్రీం హ్రీం ఐం మహాలక్ష్మ్యై కమలధారిణ్యై సింహవాహిన్యై స్వాహా ఇతి మంత్రం జప్త్వా పునః పూర్వవద్ధృదయాది షడంగన్యాసం కృత్వా స్తోత్రం పఠేత్ । ]
స్తోత్రమ్ ।
వందే లక్ష్మీం పరమశివమయీం శుద్ధజాంబూనదాభాం
తేజోరూపాం కనకవసనాం సర్వభూషోజ్జ్వలాంగీమ్ ।
బీజాపూరం కనకకలశం హేమపద్మం దధానా-
-మాద్యాం శక్తిం సకలజననీం విష్ణువామాంకసంస్థామ్ ॥ 1 ॥
శ్రీమత్సౌభాగ్యజననీం స్తౌమి లక్ష్మీం సనాతనీమ్ ।
సర్వకామఫలావాప్తిసాధనైకసుఖావహామ్ ॥ 2 ॥
స్మరామి నిత్యం దేవేశి త్వయా ప్రేరితమానసః ।
త్వదాజ్ఞాం శిరసా ధృత్వా భజామి పరమేశ్వరీమ్ ॥ 3 ॥
సమస్తసంపత్సుఖదాం మహాశ్రియం
సమస్తసౌభాగ్యకరీం మహాశ్రియమ్ ।
సమస్తకళ్యాణకరీం మహాశ్రియం
భజామ్యహం జ్ఞానకరీం మహాశ్రియమ్ ॥ 4 ॥
విజ్ఞానసంపత్సుఖదాం సనాతనీం
విచిత్రవాగ్భూతికరీం మనోహరామ్ ।
అనంతసంమోదసుఖప్రదాయినీం
నమామ్యహం భూతికరీం హరిప్రియామ్ ॥ 5 ॥
సమస్తభూతాంతరసంస్థితా త్వం
సమస్తభోక్త్రీశ్వరి విశ్వరూపే ।
తన్నాస్తి యత్త్వద్వ్యతిరిక్తవస్తు
త్వత్పాదపద్మం ప్రణమామ్యహం శ్రీః ॥ 6 ॥
దారిద్ర్య దుఃఖౌఘతమోపహంత్రీ
త్వత్పాదపద్మం మయి సన్నిధత్స్వ ।
దీనార్తివిచ్ఛేదనహేతుభూతైః
కృపాకటాక్షైరభిషించ మాం శ్రీః ॥ 7 ॥
అంబ ప్రసీద కరుణాసుధయార్ద్రదృష్ట్యా
మాం త్వత్కృపాద్రవిణగేహమిమం కురుష్వ ।
ఆలోకయ ప్రణతహృద్గతశోకహంత్రీ
త్వత్పాదపద్మయుగళం ప్రణమామ్యహం శ్రీః ॥ 8 ॥
శాంత్యై నమోఽస్తు శరణాగతరక్షణాయై
కాంత్యై నమోఽస్తు కమనీయగుణాశ్రయాయై ।
క్షాంత్యై నమోఽస్తు దురితక్షయకారణాయై
దాత్ర్యై నమోఽస్తు ధనధాన్యసమృద్ధిదాయై ॥ 9 ॥
శక్త్యై నమోఽస్తు శశిశేఖరసంస్తుతాయై
రత్యై నమోఽస్తు రజనీకరసోదరాయై ।
భక్త్యై నమోఽస్తు భవసాగరతారకాయై
మత్యై నమోఽస్తు మధుసూదనవల్లభాయై ॥ 10 ॥
లక్ష్మ్యై నమోఽస్తు శుభలక్షణలక్షితాయై
సిద్ధ్యై నమోఽస్తు శివసిద్ధసుపూజితాయై ।
ధృత్యై నమోఽస్త్వమితదుర్గతిభంజనాయై
గత్యై నమోఽస్తు వరసద్గతిదాయికాయై ॥ 11 ॥
దేవ్యై నమోఽస్తు దివి దేవగణార్చితాయై
భూత్యై నమోఽస్తు భువనార్తివినాశనాయై ।
ధాత్ర్యై నమోఽస్తు ధరణీధరవల్లభాయై
పుష్ట్యై నమోఽస్తు పురుషోత్తమవల్లభాయై ॥ 12 ॥
సుతీవ్రదారిద్ర్యవిదుఃఖహంత్ర్యై
నమోఽస్తు తే సర్వభయాపహంత్ర్యై ।
శ్రీవిష్ణువక్షఃస్థలసంస్థితాయై
నమో నమః సర్వవిభూతిదాయై ॥ 13 ॥
జయతు జయతు లక్ష్మీర్లక్షణాలంకృతాంగీ
జయతు జయతు పద్మా పద్మసద్మాభివంద్యా ।
జయతు జయతు విద్యా విష్ణువామాంకసంస్థా
జయతు జయతు సమ్యక్సర్వసంపత్కరీ శ్రీః ॥ 14 ॥
జయతు జయతు దేవీ దేవసంఘాభిపూజ్యా
జయతు జయతు భద్రా భార్గవీ భాగ్యరూపా ।
జయతు జయతు నిత్యా నిర్మలజ్ఞానవేద్యా
జయతు జయతు సత్యా సర్వభూతాంతరస్థా ॥ 15 ॥
జయతు జయతు రమ్యా రత్నగర్భాంతరస్థా
జయతు జయతు శుద్ధా శుద్ధజాంబూనదాభా ।
జయతు జయతు కాంతా కాంతిమద్భాసితాంగీ
జయతు జయతు శాంతా శీఘ్రమాగచ్ఛ సౌమ్యే ॥ 16 ॥
యస్యాః కలాయాః కమలోద్భవాద్యా
రుద్రాశ్చ శక్ర ప్రముఖాశ్చ దేవాః ।
జీవంతి సర్వేఽపి సశక్తయస్తే
ప్రభుత్వమాప్తాః పరమాయుషస్తే ॥ 17 ॥
లిలేఖ నిటిలే విధిర్మమ లిపిం విసృజ్యాంతరం
త్వయా విలిఖితవ్యమేతదితి తత్ఫలప్రాప్తయే ।
తదంతరఫలేస్ఫుటం కమలవాసినీ శ్రీరిమాం
సమర్పయ సముద్రికాం సకలభాగ్యసంసూచికామ్ ॥ 18 ॥
కలయా తే యథా దేవి జీవంతి సచరాచరాః ।
తథా సంపత్కరే లక్ష్మి సర్వదా సంప్రసీద మే ॥ 19 ॥
యథా విష్ణుర్ధ్రువే నిత్యం స్వకలాం సంన్యవేశయత్ ।
తథైవ స్వకలాం లక్ష్మి మయి సమ్యక్ సమర్పయ ॥ 20 ॥
సర్వసౌఖ్యప్రదే దేవి భక్తానామభయప్రదే ।
అచలాం కురు యత్నేన కలాం మయి నివేశితామ్ ॥ 21 ॥
ముదాస్తాం మత్ఫాలే పరమపదలక్ష్మీః స్ఫుటకలా
సదా వైకుంఠశ్రీర్నివసతు కలా మే నయనయోః ।
వసేత్సత్యే లోకే మమ వచసి లక్ష్మీర్వరకలా
శ్రియః శ్వేతద్వీపే నివసతు కలా మే స్వకరయోః ॥ 22 ॥
తావన్నిత్యం మమాంగేషు క్షీరాబ్ధౌ శ్రీకలా వసేత్ ।
సూర్యాచంద్రమసౌ యావద్యావల్లక్ష్మీపతిః శ్రియాః ॥ 23 ॥
సర్వమంగళసంపూర్ణా సర్వైశ్వర్యసమన్వితా ।
ఆద్యాది శ్రీర్మహాలక్ష్మీ త్వత్కలా మయి తిష్ఠతు ॥ 24 ॥
అజ్ఞానతిమిరం హంతుం శుద్ధజ్ఞానప్రకాశికా ।
సర్వైశ్వర్యప్రదా మేఽస్తు త్వత్కలా మయి సంస్థితా ॥ 25 ॥
అలక్ష్మీం హరతు క్షిప్రం తమః సూర్యప్రభా యథా ।
వితనోతు మమ శ్రేయస్త్వత్కళా మయి సంస్థితా ॥ 26 ॥
ఐశ్వర్యమంగళోత్పత్తిస్త్వత్కలాయాం నిధీయతే ।
మయి తస్మాత్కృతార్థోఽస్మి పాత్రమస్మి స్థితేస్తవ ॥ 27 ॥
భవదావేశభాగ్యార్హో భాగ్యవానస్మి భార్గవి ।
త్వత్ప్రసాదాత్పవిత్రోఽహం లోకమాతర్నమోఽస్తు తే ॥ 28 ॥
పునాసి మాం త్వత్కలయైవ యస్మా-
-దతః సమాగచ్ఛ మమాగ్రతస్త్వమ్ ।
పరం పదం శ్రీర్భవ సుప్రసన్నా
మయ్యచ్యుతేన ప్రవిశాదిలక్ష్మీః ॥ 29 ॥
శ్రీవైకుంఠస్థితే లక్ష్మి సమాగచ్ఛ మమాగ్రతః ।
నారాయణేన సహ మాం కృపాదృష్ట్యాఽవలోకయ ॥ 30 ॥
సత్యలోకస్థితే లక్ష్మి త్వం మమాగచ్ఛ సన్నిధిమ్ ।
వాసుదేవేన సహితా ప్రసీద వరదా భవ ॥ 31 ॥
శ్వేతద్వీపస్థితే లక్ష్మి శీఘ్రమాగచ్ఛ సువ్రతే ।
విష్ణునా సహితే దేవి జగన్మాతః ప్రసీద మే ॥ 32 ॥
క్షీరాంబుధిస్థితే లక్ష్మి సమాగచ్ఛ సమాధవా ।
త్వత్కృపాదృష్టిసుధయా సతతం మాం విలోకయ ॥ 33 ॥
రత్నగర్భస్థితే లక్ష్మి పరిపూర్ణే హిరణ్మయే ।
సమాగచ్ఛ సమాగచ్ఛ స్థిత్వాఽఽశు పురతో మమ ॥ 34 ॥
స్థిరా భవ మహాలక్ష్మి నిశ్చలా భవ నిర్మలే ।
ప్రసన్నే కమలే దేవి ప్రసన్నహృదయా భవ ॥ 35 ॥
శ్రీధరే శ్రీమహాభూతే త్వదంతఃస్థం మహానిధిమ్ ।
శీఘ్రముద్ధృత్య పురతః ప్రదర్శయ సమర్పయ ॥ 36 ॥
వసుంధరే శ్రీవసుధే వసుదోగ్ధ్రి కృపామయే ।
త్వత్కుక్షిగతసర్వస్వం శీఘ్రం మే సంప్రదర్శయ ॥ 37 ॥
విష్ణుప్రియే రత్నగర్భే సమస్తఫలదే శివే ।
త్వద్గర్భగతహేమాదీన్ సంప్రదర్శయ దర్శయ ॥ 38 ॥
రసాతలగతే లక్ష్మి శీఘ్రమాగచ్ఛ మే పురః ।
న జానే పరమం రూపం మాతర్మే సంప్రదర్శయ ॥ 39 ॥
ఆవిర్భవ మనోవేగాచ్ఛీఘ్రమాగచ్ఛ మే పురః ।
మా వత్స భైరిహేత్యుక్త్వా కామం గౌరివ రక్ష మామ్ ॥ 40 ॥
దేవి శీఘ్రం సమాగచ్ఛ ధరణీగర్భసంస్థితే ।
మాతస్త్వద్భృత్యభృత్యోఽహం మృగయే త్వాం కుతూహలాత్ ॥ 41 ॥
ఉత్తిష్ఠ జాగృహి త్వం మే సముత్తిష్ఠ సుజాగృహి ।
అక్షయాన్ హేమకలశాన్ సువర్ణేన సుపూరితాన్ ॥ 42 ॥
నిక్షేపాన్మే సమాకృష్య సముద్ధృత్య మమాగ్రతః ।
సమున్నతాననా భూత్వా సమాధేహి ధరాంతరాత్ ॥ 43 ॥
మత్సన్నిధిం సమాగచ్ఛ మదాహితకృపారసాత్ ।
ప్రసీద శ్రేయసాం దోగ్ధ్రీ లక్ష్మీర్మే నయనాగ్రతః ॥ 44 ॥
అత్రోపవిశ లక్ష్మి త్వం స్థిరా భవ హిరణ్మయే ।
సుస్థిరా భవ సంప్రీత్యా ప్రసీద వరదా భవ ॥ 45 ॥
ఆనీతాంస్తు తథా దేవి నిధీన్మే సంప్రదర్శయ ।
అద్య క్షణేన సహసా దత్త్వా సంరక్ష మాం సదా ॥ 46 ॥
మయి తిష్ఠ తథా నిత్యం యథేంద్రాదిషు తిష్ఠసి ।
అభయం కురు మే దేవి మహాలక్ష్మీర్నమోఽస్తు తే ॥ 47 ॥
సమాగచ్ఛ మహాలక్ష్మి శుద్ధజాంబూనదప్రభే ।
ప్రసీద పురతః స్థిత్వా ప్రణతం మాం విలోకయ ॥ 48 ॥
లక్ష్మీర్భువం గతా భాసి యత్ర యత్ర హిరణ్మయీ ।
తత్ర తత్ర స్థితా త్వం మే తవ రూపం ప్రదర్శయ ॥ 49 ॥
క్రీడంతీ బహుధా భూమౌ పరిపూర్ణకృపామయి ।
మమ మూర్ధని తే హస్తమవిలంబితమర్పయ ॥ 50 ॥
ఫలద్భాగ్యోదయే లక్ష్మి సమస్తపురవాసినీ ।
ప్రసీద మే మహాలక్ష్మి పరిపూర్ణమనోరథే ॥ 51 ॥
అయోధ్యాదిషు సర్వేషు నగరేషు సమాస్థితే ।
వైభవైర్వివిధైర్యుక్తైః సమాగచ్ఛ ముదాన్వితే ॥ 52 ॥
సమాగచ్ఛ సమాగచ్ఛ మమాగ్రే భవ సుస్థిరా ।
కరుణారసనిష్యందనేత్రద్వయ విలాసినీ ॥ 53 ॥ [నిష్పన్న]
సన్నిధత్స్వ మహాలక్ష్మి త్వత్పాణిం మమ మస్తకే ।
కరుణాసుధయా మాం త్వమభిషించ్య స్థిరం కురు ॥ 54 ॥
సర్వరాజగృహే లక్ష్మి సమాగచ్ఛ బలాన్వితే । [ముదాన్వితే]
స్థిత్వాఽఽశు పురతో మేఽద్య ప్రసాదేనాఽభయం కురు ॥ 55 ॥
సాదరం మస్తకే హస్తం మమ త్వం కృపయార్పయ ।
సర్వరాజగృహే లక్ష్మి త్వత్కలా మయి తిష్ఠతు ॥ 56 ॥
ఆద్యాది శ్రీమహాలక్ష్మి విష్ణువామాంకసంస్థితే ।
ప్రత్యక్షం కురు మే రూపం రక్ష మాం శరణాగతమ్ ॥ 57 ॥
ప్రసీద మే మహాలక్ష్మి సుప్రసీద మహాశివే ।
అచలా భవ సంప్రీత్యా సుస్థిరా భవ మద్గృహే ॥ 58 ॥
యావత్తిష్ఠంతి వేదాశ్చ యావచ్చంద్రదివాకరౌ ।
యావద్విష్ణుశ్చ యావత్త్వం తావత్కురు కృపాం మయి ॥ 59 ॥
చాంద్రీకలా యథా శుక్లే వర్ధతే సా దినే దినే ।
తథా దయా తే మయ్యేవ వర్ధతామభివర్ధతామ్ ॥ 60 ॥
యథా వైకుంఠనగరే యథా వై క్షీరసాగరే ।
తథా మద్భవనే తిష్ఠ స్థిరం శ్రీవిష్ణునా సహ ॥ 61 ॥
యోగినాం హృదయే నిత్యం యథా తిష్ఠసి విష్ణునా ।
తథా మద్భవనే తిష్ఠ స్థిరం శ్రీవిష్ణునా సహ ॥ 62 ॥
నారాయణస్య హృదయే భవతీ యథాస్తే
నారాయణోఽపి తవ హృత్కమలే యథాస్తే ।
నారాయణస్త్వమపి నిత్యముభౌ తథైవ
తౌ తిష్ఠతాం హృది మమాపి దయాన్వితౌ శ్రీః ॥ 63 ॥
విజ్ఞానవృద్ధిం హృదయే కురు శ్రీః
సౌభాగ్యవృద్ధిం కురు మే గృహే శ్రీః ।
దయాసువృద్ధిం కురుతాం మయి శ్రీః
సువర్ణవృద్ధిం కురు మే గృహే శ్రీః ॥ 64 ॥
న మాం త్యజేథాః శ్రితకల్పవల్లి
సద్భక్తచింతామణికామధేనో ।
విశ్వస్య మాతర్భవ సుప్రసన్నా
గృహే కలత్రేషు చ పుత్రవర్గే ॥ 65 ॥
ఆద్యాదిమాయే త్వమజాండబీజం
త్వమేవ సాకారనిరాకృతిస్త్వమ్ ।
త్వయా ధృతాశ్చాబ్జభవాండసంఘా-
-శ్చిత్రం చరిత్రం తవ దేవి విష్ణోః ॥ 66 ॥
బ్రహ్మరుద్రాదయో దేవా వేదాశ్చాపి న శక్నుయుః ।
మహిమానం తవ స్తోతుం మందోఽహం శక్నుయాం కథమ్ ॥ 67 ॥
అంబ త్వద్వత్సవాక్యాని సూక్తాసూక్తాని యాని చ ।
తాని స్వీకురు సర్వజ్ఞే దయాలుత్వేన సాదరమ్ ॥ 68 ॥
భవతీం శరణం గత్వా కృతార్థాః స్యుః పురాతనాః ।
ఇతి సంచింత్య మనసా త్వామహం శరణం వ్రజే ॥ 69 ॥
అనంతా నిత్యసుఖినస్త్వద్భక్తాస్త్వత్పరాయణాః ।
ఇతి వేదప్రమాణాద్ధి దేవి త్వాం శరణం వ్రజే ॥ 70 ॥
తవ ప్రతిజ్ఞా మద్భక్తా న నశ్యంతీత్యపి క్వచిత్ ।
ఇతి సంచింత్య సంచింత్య ప్రాణాన్ సంధారయామ్యహమ్ ॥ 71 ॥
త్వదధీనస్త్వహం మాతస్త్వత్కృపా మయి విద్యతే ।
యావత్సంపూర్ణకామః స్యాత్తావద్దేహి దయానిధే ॥ 72 ॥
క్షణమాత్రం న శక్నోమి జీవితుం త్వత్కృపాం వినా ।
న జీవంతీహ జలజా జలం త్యక్త్వా జలగ్రహాః ॥ 73 ॥
యథా హి పుత్రవాత్సల్యాజ్జననీ ప్రస్నుతస్తనీ ।
వత్సం త్వరితమాగత్య సంప్రీణయతి వత్సలా ॥ 74 ॥
యది స్యాం తవ పుత్రోఽహం మాతా త్వం యది మామకీ ।
దయాపయోధరస్తన్యసుధాభిరభిషించ మామ్ ॥ 75 ॥
మృగ్యో న గుణలేశోఽపి మయి దోషైకమందిరే ।
పాంసూనాం వృష్టిబిందూనాం దోషాణాం చ న మే మతిః ॥ 76 ॥
పాపినామహమేవాగ్ర్యో దయాలూనాం త్వమగ్రణీః ।
దయనీయో మదన్యోఽస్తి తవ కోఽత్ర జగత్త్రయే ॥ 77 ॥
విధినాహం న సృష్టశ్చేన్న స్యాత్తవ దయాలుతా ।
ఆమయో వా న సృష్టశ్చేదౌషధస్య వృథోదయః ॥ 78 ॥
కృపా మదగ్రజా కిం తే అహం కిం వా తదగ్రజః ।
విచార్య దేహి మే విత్తం తవ దేవి దయానిధే ॥ 79 ॥
మాతా పితా త్వం గురుసద్గతిః శ్రీ-
-స్త్వమేవ సంజీవనహేతుభూతా ।
అన్యం న మన్యే జగదేకనాథే
త్వమేవ సర్వం మమ దేవి సత్యే ॥ 80 ॥
ఆద్యాదిలక్ష్మీర్భవ సుప్రసన్నా
విశుద్ధవిజ్ఞానసుఖైకదోగ్ధ్రీ ।
అజ్ఞానహంత్రీ త్రిగుణాతిరిక్తా
ప్రజ్ఞాననేత్రీ భవ సుప్రసన్నా ॥ 81 ॥
అశేషవాగ్జాడ్యమలాపహంత్రీ
నవం నవం స్పష్టసువాక్ప్రదాయినీ ।
మమేహ జిహ్వాగ్ర సురంగనర్తకీ [నర్తినీ]
భవ ప్రసన్నా వదనే చ మే శ్రీః ॥ 82 ॥
సమస్తసంపత్సువిరాజమానా
సమస్తతేజశ్చయభాసమానా ।
విష్ణుప్రియే త్వం భవ దీప్యమానా
వాగ్దేవతా మే నయనే ప్రసన్నా ॥ 83 ॥
సర్వప్రదర్శే సకలార్థదే త్వం
ప్రభాసులావణ్యదయాప్రదోగ్ధ్రీ ।
సువర్ణదే త్వం సుముఖీ భవ శ్రీ-
-ర్హిరణ్మయీ మే నయనే ప్రసన్నా ॥ 84 ॥
సర్వార్థదా సర్వజగత్ప్రసూతిః
సర్వేశ్వరీ సర్వభయాపహంత్రీ ।
సర్వోన్నతా త్వం సుముఖీ భవ శ్రీ-
-ర్హిరణ్మయీ మే నయనే ప్రసన్నా ॥ 85 ॥
సమస్తవిఘ్నౌఘవినాశకారిణీ
సమస్తభక్తోద్ధరణే విచక్షణా ।
అనంతసౌభాగ్యసుఖప్రదాయినీ
హిరణ్మయీ మే నయనే ప్రసన్నా ॥ 86 ॥
దేవి ప్రసీద దయనీయతమాయ మహ్యం
దేవాధినాథభవదేవగణాభివంద్యే ।
మాతస్తథైవ భవ సన్నిహితా దృశోర్మే
పత్యా సమం మమ ముఖే భవ సుప్రసన్నా ॥ 87 ॥
మా వత్స భైరభయదానకరోఽర్పితస్తే
మౌలౌ మమేతి మయి దీనదయానుకంపే ।
మాతః సమర్పయ ముదా కరుణాకటాక్షం
మాంగళ్యబీజమిహ నః సృజ జన్మ మాతః ॥ 88 ॥
కటాక్ష ఇహ కామధుక్తవ మనస్తు చింతామణిః
కరః సురతరుః సదా నవనిధిస్త్వమేవేందిరే ।
భవే తవ దయారసో మమ రసాయనం చాన్వహం
ముఖం తవ కలానిధిర్వివిధవాంఛితార్థప్రదమ్ ॥ 89 ॥
యథా రసస్పర్శనతోఽయసోఽపి
సువర్ణతా స్యాత్కమలే తథా తే ।
కటాక్షసంస్పర్శనతో జనానా-
-మమంగళానామపి మంగళత్వమ్ ॥ 90 ॥
దేహీతి నాస్తీతి వచః ప్రవేశా-
-ద్భీతో రమే త్వాం శరణం ప్రపద్యే ।
అతః సదాఽస్మిన్నభయప్రదా త్వం
సహైవ పత్యా మయి సన్నిధేహి ॥ 91 ॥
కల్పద్రుమేణ మణినా సహితా సురమ్యా
శ్రీస్తే కలా మయి రసేన రసాయనేన ।
ఆస్తాం యతో మమ శిరఃకరదృష్టిపాద-
-స్పృష్టాః సువర్ణవపుషః స్థిరజంగమాః స్యుః ॥ 92 ॥
ఆద్యాదివిష్ణోః స్థిరధర్మపత్నీ
త్వమేవ పత్యా మయి సన్నిధేహి ।
ఆద్యాదిలక్ష్మి త్వదనుగ్రహేణ
పదే పదే మే నిధిదర్శనం స్యాత్ ॥ 93 ॥
ఆద్యాదిలక్ష్మీహృదయం పఠేద్యః
స రాజ్యలక్ష్మీమచలాం తనోతి ।
మహాదరిద్రోఽపి భవేద్ధనాఢ్య-
-స్తదన్వయే శ్రీః స్థిరతాం ప్రయాతి ॥ 94 ॥
యస్య స్మరణమాత్రేణ తుష్టా స్యాద్విష్ణువల్లభా ।
తస్యాభీష్టం దదత్యాశు తం పాలయతి పుత్రవత్ ॥ 95 ॥
ఇదం రహస్యం హృదయం సర్వకామఫలప్రదమ్ ।
జపః పంచసహస్రం తు పురశ్చరణముచ్యతే ॥ 96 ॥
త్రికాలమేకకాలం వా నరో భక్తిసమన్వితః ।
యః పఠేచ్ఛృణుయాద్వాపి స యాతి పరమాం శ్రియమ్ ॥ 97 ॥
మహాలక్ష్మీం సముద్దిశ్య నిశి భార్గవవాసరే ।
ఇదం శ్రీహృదయం జప్త్వా పంచవారం ధనీ భవేత్ ॥ 98 ॥
అనేన హృదయేనాన్నం గర్భిణ్యా అభిమంత్రితమ్ ।
దదాతి తత్కులే పుత్రో జాయతే శ్రీపతిః స్వయమ్ ॥ 99 ॥
నరేణ వాఽథవా నార్యా లక్ష్మీహృదయమంత్రితే ।
జలే పీతే చ తద్వంశే మందభాగ్యో న జాయతే ॥ 100 ॥
య ఆశ్వినే మాసి చ శుక్లపక్షే
రమోత్సవే సన్నిహితే సుభక్త్యా ।
పఠేత్తథైకోత్తరవారవృద్ధ్యా
లభేత్స సౌవర్ణమయీం సువృష్టిమ్ ॥ 101 ॥
య ఏకభక్తోఽన్వహమేకవర్షం
విశుద్ధధీః సప్తతివారజాపీ ।
స మందభాగ్యోఽపి రమాకటాక్షా-
-ద్భవేత్సహస్రాక్షశతాధికశ్రీః ॥ 102 ॥
శ్రీశాంఘ్రిభక్తిం హరిదాసదాస్యం
ప్రసన్నమంత్రార్థదృఢైకనిష్ఠామ్ ।
గురోః స్మృతిం నిర్మలబోధబుద్ధిం
ప్రదేహి మాతః పరమం పదం శ్రీః ॥ 103 ॥
పృథ్వీపతిత్వం పురుషోత్తమత్వం
విభూతివాసం వివిధార్థసిద్ధిమ్ ।
సంపూర్ణకీర్తిం బహువర్షభోగం
ప్రదేహి మే లక్ష్మి పునః పునస్త్వమ్ ॥ 104 ॥
వాదార్థసిద్ధిం బహులోకవశ్యం
వయః స్థిరత్వం లలనాసుభోగమ్ ।
పౌత్రాదిలబ్ధిం సకలార్థసిద్ధిం
ప్రదేహి మే భార్గవి జన్మజన్మని ॥ 105 ॥
సువర్ణవృద్ధిం కురు మే గృహే శ్రీః
సుధాన్యవృద్ధిం కురూ మే గృహే శ్రీః ।
కల్యాణవృద్ధిం కురు మే గృహే శ్రీః
విభూతివృద్ధిం కురు మే గృహే శ్రీః ॥ 106 ॥
ధ్యాయేల్లక్ష్మీం ప్రహసితముఖీం కోటిబాలార్కభాసాం
విద్యుద్వర్ణాంబరవరధరాం భూషణాఢ్యాం సుశోభామ్ ।
బీజాపూరం సరసిజయుగం బిభ్రతీం స్వర్ణపాత్రం
భర్త్రాయుక్తాం ముహురభయదాం మహ్యమప్యచ్యుతశ్రీః ॥ 107 ॥
గుహ్యాతిగుహ్యగోప్త్రీ త్వం గృహాణాస్మత్కృతం జపమ్ ।
సిద్ధిర్భవతు మే దేవి త్వత్ప్రసాదాన్మయి స్థితా ॥ 108 ॥
ఇతి శ్రీఅథర్వణరహస్యే శ్రీలక్ష్మీహృదయస్తోత్రం సంపూర్ణమ్ ॥
Credits: @TvnxtDevotional
Read More Latest Post:
