Shravana Masa Mahatmyam Day - 27 | శ్రావణమాస మహాత్మ్యము

27వ అధ్యాయం – శ్రావణ అమావాస్య – సంక్రమణ వ్రతం

భారతీయ సంస్కృతిలో శ్రావణమాస మహాత్మ్యమునకు – Shravana Masa Mahatmyam ఒక ప్రత్యేకత ఉంది. అందులో శ్రావణ మాసం (Shravan Month) అత్యంత విశిష్టమైనదిగా పరిగణించబడుతుంది. ఈ మాసం శివారాధనకు, ఆధ్యాత్మిక చింతనకు అనుకూలమైనదిగా చెప్పబడుతుంది. శివభక్తులకు అత్యంత ప్రీతిపాత్రమైన ఈ మాసంలో పరమశివుని (Lord Shiva) ఆరాధించడం ద్వారా అనంతమైన పుణ్యఫలాలు లభిస్తాయని ప్రగాఢ విశ్వాసం.

శ్రీ స్కాంద పురాణం (S k anda Purana) నందు ఈశ్వరుడు మరియు సనత్కుమారుల మధ్య జరిగిన సంభాషణలో శ్రావణమాసం (Savan) యొక్క గొప్పదనాన్ని మరియు శ్రావణ మాస మహాత్మ్యాన్ని సవివరంగా వర్ణించడం జరిగింది. శ్రావణ మాసంలో చేసే పూజలు, వ్రతాలు, ధర్మకార్యాలు విశేష ఫలితాలను ఇస్తాయని మన పురాణాలు పేర్కొంటున్నాయి. శ్రావణ మాసం యొక్క మహిమ మరియు ప్రాముఖ్యత దానిని ఆచరించాల్సిన ధర్మాలు, వ్రతాల (Vrat) గురించి తెలుసుకోవడం ఆధ్యాత్మిక జీవితానికి అత్యంత ప్రయోజనకరం.

కథ క్లుప్తముగా

ఈ అధ్యాయంలో, ఈశ్వరుడు శ్రావణమాసంలో కర్కాటక (Karkataka), సింహ సంక్రమణాల సమయంలో ఆచరించవలసిన పవిత్ర కార్యం గురించి వివరించాడు. ఈ కాలంలో నదులు రజస్వలలుగా ఉంటాయని, అందుకే సముద్రంలో కలిసే నదులు మినహా ఇతర నదులలో స్నానం చేయకూడదని పేర్కొన్నాడు. అయితే, గంగ, యమున వంటి కొన్ని నదులు పవిత్రమైనవని, వాటికి ఈ దోషం వర్తించదని, అలాగే ఆపదలలో, గ్రహణ సమయాలలో ఈ నియమం పాటించనవసరం లేదని తెలియజేశాడు. అదేవిధంగా, సింహ సంక్రమణ సమయంలో ఆవు ప్రసవిస్తే అది ఆ ఆవుకు ఆరు నెలలలో మృత్యువు వాటిల్లే అవకాశం ఉందని, అందుకు శాంతి కర్మలు చేసి, ఆ గోవును బ్రాహ్మణుడికి దానం ఇవ్వాలని సూచించాడు. నల్ల నువ్వులు, నెయ్యితో హోమం చేసి అనిష్టాన్ని తొలగించుకోవాలని ఈశ్వరుడు తెలియజేశాడు.

శ్రావణ మాసంలో చేసే దానాలకు అత్యధిక ఫలితం ఉంటుందని, ముఖ్యంగా వస్త్రం, నెయ్యి, పండ్లు దానం చేయడం శ్రేష్ఠమని శివుడు చెప్పాడు. ఈ మాసం తనకు ఎంతో ప్రీతిపాత్రమైనదని, ఈ మాసంలో వ్రతం, ప్రాతఃస్నానం చేసినవారు అన్ని కోరికలు పొంది, మరణానంతరం తన లోకానికి చేరుకుంటారని పేర్కొన్నాడు. శ్రావణ మాసంలో చేసే స్నానాల వల్ల పన్నెండు మాసాల స్నాన ఫలం లభిస్తుందని, ఆ సమయంలో “మహాదేవ! దయాసింధో! శ్రావణే మాస్యుషస్యహం…” అనే మంత్రంతో సంకల్పం చెప్పుకోవాలని తెలియజేశాడు. ఈ మాసంలో కథలు చెప్పే వారికి వస్త్రాలు, ఆభరణాలు ఇచ్చి సత్కరించాలని, ఈ మాహాత్మ్యాన్ని విన్న, చదివిన వారందరికీ అనంతమైన పుణ్యఫలం లభిస్తుందని ఈశ్వరుడు ఈ అధ్యాయాన్ని ముగించాడు.

Shravana Masa Mahatmyam Day – 27

శ్రావణమాస మహాత్మ్యము – 27వ అధ్యాయం

🍃🌷శ్రావణ అమావాస్య సంక్రమణ వ్రతం:

(శ్రీమదష్టాదశ మహాపురాణాలలో ఒకటైన శ్రీ స్కాంద పురాణాంతర్గతం)

నారాయణం నమస్కృత్య నరం చైవనరోత్తమం l

దేవీం సరస్వతీం వ్యాసం తతోజయ ముదీరయేత్ ll

🌻ఈశ్వరుడు చెప్తున్నాడు:

శ్రావణమాసంలో కర్కాటక లేదా సింహ సంక్రమణాలు (Simha Sankramana) వచ్చినపుడు చెయ్యాల్సిన విధుల గురించి తెలియజేస్తున్నను.

కర్కాటక సింహ సంక్రమణాల మధ్యకాలంలో నదులు రజస్వలలుగా (Menstruation) చెప్పబడతాయి. కాబట్టి సముద్రానికి సరాసరిగా వెళ్ళే నదులందు తప్ప మిగతా నదులలో ఆ సమయంలో స్నానం చెయ్యరాదు. కొందరు ఋషులు చెప్పినదాని ప్రకారం ఆగస్త్య (Agastya) నక్షత్రం ఉదయించినంత వరకు ఈ రజస్వలా నియమం నదులకు వర్తిస్తుంది.

కొన్ని నదులు గ్రీష్మ ఋతువులో వేడిమికి ఎండిపోయి, వర్షా కాలంలో నిండడం ప్రారంభిస్తాయి. అలాంటి నదులలో వర్షాకాలం (Rainy Season) వచ్చిన తరువాత పది రోజులు స్నానం చెయ్యకూడదు. ఏ నదుల గమనం ఎనిమిది వేల ధనుస్సుల పరిమాణానికి తగ్గకుండా ఉంటుందో వాటినే నదులు అనాలి (1 ధనుస్సు = 6 అడుగులు). ఆ పరిమాణం లేని వాటిని గెడ్డలు అంటారు. కర్కాటక సంక్రమణం ప్రారంభం అయ్యాక మొదటి మూడు రోజులు మహానదులు రజస్వలగా అవుతాయి. స్త్రీల వలె నాలుగవ రోజున అవి శుద్ధమవుతాయి..

గోదావరి (Godavari), భీమరథి (Bhimarathi), తుంగభద్ర (Tungabhadra), వేణిక, తాపి, పయోష్టి ఈ ఆరు వింధ్యకు దక్షిణాన ఉంటాయి. భాగీరథి (Bhagirathi), నర్మద (Narmada), యమున (Yamuna), సరస్వతి (Saraswati), విశోక, వితస్త ఈ ఆరు నదులు వింధ్యకు ఉత్తరభాగంలో ఉంటాయి. ఈ పన్నెండు మహానదులు దేవ, ఋషుల ప్రాంతంలో ఉద్భవించినవి. దేవిక, కావేరి (Kaveri), వంజరా, కృష్ణ (Krishna River) – ఈ మహానదు లన్నిటికీ కర్కాటక సంక్రమణం ప్రారంభమయ్యాక ఒక్కరోజు మాత్రమే రజస్వలా దోషం వర్తిస్తుంది. గౌతమీ నదికి మూడురోజుల కాలం ఈ దోషం వర్తిస్తుంది.

చంద్రభాగ, సతీ, సింధు, సరయూ, నర్మద, గంగ (Ganga River), యమున, ప్లక్షజాల, సరస్వతి – ఇవి నదములుగా చెప్పబడడం వల్ల వీటికి రజస్వలాదోషం వర్తించదు. శోణ, సింధు, హిరణ్య, కోకిల, ఆహిత, ఘర్ఘర, శతద్రు – ఈ ఏడు నదులు ఎప్పుడూ పవిత్రమైనవే. ధర్మద్రవమయి అయిన గంగ, పవిత్రమైన యమున (Yamuna River), సరస్వతి గుప్త రజోదోషం కలిగినవి మాత్రమే కాబట్టి ఇవి ఎల్లప్పుడూ నిర్మలమైనవే. ఈ రజోదోషం కేవలం నదులకే తప్ప నదీ తీరాలలో ఉండేవారికి మాత్రం వర్తించదు. రజోదోషంతో దూషితమైన నదీజలాలు కూడా గంగాజలంతో కలిపితే పవిత్రమైపోతాయి. మేక, గోవులు, గేదెలు, స్త్రీలు, వర్షం వల్ల భూమిని చేరిన క్రొత్తనీరు – ఇవి పదిరాత్రులు గడచినంతనే శుద్ధిని పొందుతాయి.

నూతులు, బావులు లేని ప్రదేశాలలో మాత్రం నదీజలాలు అమృతతుల్యములే. అటువంటప్పుడు గ్రామానికి అవసరమైన నదీజలాలకు రజోదోషం వర్తించదు. మరొకరి చేత మోసుకుని తేబడిన నీటికి కూడా రజోదోషం వర్తించదు.

ఉపాకర్మ, ఉత్సర్గ కర్మ, ప్రాతఃకాల స్నానం, ఆపదలు కలిగినప్పుడు, సూర్య గ్రహణం (Solar Eclipse)- చంద్ర గ్రహణం (Lunar Eclipse) కాలాలలో రజోదోషం వర్తించదు.

🌷గోశాంతి విషయాలు:

సింహసంక్రమణ సమయంలో ఆవు ప్రసవిస్తే, ఆ ఆవుకు ఆరు నెలలలో మృత్యువు వాటిల్లే అవకాశం ఉంది. కాబట్టి దానికి పరిహారంగా శాంతికర్మ జరపాలి. ఆలస్యం కాకుండా ప్రసవించిన గోవును (Cow) బ్రాహ్మణునకు అదే సమయంలో దానం ఇవ్వాలి. నల్లనువ్వులతో హోమం చెయ్యాలి. తరువాత నేతిలో కలిపిన నల్లనువ్వులతో వెయ్యీయెనిమిది ఆహుతులను వెయ్యాలి.

ఆ రోజంతా ఉపవాసం ఉండి బ్రాహ్మణునకు శక్తి కొలదిగా దక్షిణ సమర్పించాలి. సింహసంక్రమణ సమయంలో గోశాలలో గోవు ప్రసవిస్తే, అనిష్ట పరిహారానికి శాంతికర్మ చెయ్యాలి. ‘అస్య వామం’ అనే సూక్తంతోను, ‘తద్విష్ణోః’ అనే మంత్రంతోను నేతిలో కలిపిన నువ్వులతో నూటాయెనిమిది ఆహుతులతోను, మృత్యుంజయ మంత్రంతో (Mahamrityunjaya Mantra) వెయ్యి ఆహుతుల తోను హోమం చెయ్యాలి. తరువాత శ్రీసూక్తం లేదా శాంతి సూక్తమంత్రాలతో స్నానం చెయ్యాలి. ఈ విధంగా చెయ్యడం వల్ల అనిష్ట పరిహారం జరుగుతుంది.

🌷దానాల వివరాలు:

కర్కాటక సంక్రమణ సమయంలో మృతదేను దానం అనే కర్మను ఆచరించాలి. సింహసంక్రమణంలో గొడుగుతో పాటు బంగారం కూడా దానం చెయ్యడం శ్రేష్ఠం. శ్రావణ మాసంలో వస్త్రదానం అత్యంత శ్రేష్ఠ ఫలాన్నిస్తుంది.

భగవంతుడైన శ్రీధరుని ప్రసన్నతకై శ్రావణమాసంలో నెయ్యి, నేతి పాత్ర, పండ్లును వేద బ్రాహ్మణునకు దానం చెయ్యాలి. నా (శివుని) ప్రీతి కొరకు శ్రావణమాసంలో చేసే దానాలు మిగతా మాసాలలో చేసే దానాల కంటే అధికంగా అక్షయ ఫలితాలను కలుగజేస్తాయి. పన్నెండు మాసాలలో ఈ మాసం కంటే నాకు ప్రీతిపాత్రమైనది మరొకటి లేదు.

శ్రావణ మాసం ఎప్పుడు వస్తుందా! అని నేను ఎదురు చూస్తుంటాను. ఈ మాసంలో వ్రతం చేసిన మానవుడు నాకు అత్యంత ప్రీతిపాత్రుడు. కర్కాటక, సింహసంక్రమణాలు ఏ మాసంలో వస్తాయో అంతకంటే గొప్పదైన మాహాత్మ్యం ఏ మాసానికి ఉంటుంది?

ఎవరైతే ఈ మాసమంతా ప్రాతఃకాల స్నానం నియమ పూర్వకంగా చేస్తారో, వారు పన్నెండు మాసాలలోను ప్రాతఃస్నానం చేసిన ఫలితాన్ని పొందుతారు.

స్నానానికి సంకల్పం ఇలా చెప్పుకోవాలి – మహాదేవ! దయాసింధో! శ్రావణే మాస్యుషస్యహం, ప్రాతఃస్నానం కరిష్యామి నిర్విఘ్నం కురు మే ప్రభో!

శ్రావణమాస మాహాత్మ్యం: స్నానం తరువాత శివుని విధి విధానాలతో పూజించి, శ్రావణమాస కథలను భక్తి శ్రద్ధలతో వినాలి. శ్రావణమాస కథల మాహాత్మ్యాన్ని వర్ణించి చెప్పడం ఎవరి తరమూ కాదు. ఈ మాసంలో చేసే వ్రత, స్నాన, కథా శ్రవణ ఫలితాల వల్ల గొడ్రాలు అయినప్పటికీ తప్పకుండా సుందరమైన పుత్రుని పొందుతుంది.

విద్యార్థులు విద్యను, బలార్థులు బలాన్ని, ధనకాములు ధనాన్ని, భార్య కావలసిన వారు ఉత్తమభార్యను, రోగార్తులు ఆరోగ్యాన్ని పొందుతారు. బంధింపబడ్డవారు బంధవిముక్తులవుతారు. ఈ మాస వ్రతాచరణ చేసేవారికి ధర్మము నందు అనురాగం ఏర్పడుతుంది. ఒక్క మాటలో చెప్పాలంటే ఎవరెవరు ఏవేవి కోరితే అవన్నీ పొంది, మరణానంతరం నా లోకాన్ని చేరి, నా సాన్నిధ్యంలో ఆనందాన్ని పొందుతారు.

శ్రావణమాస మాహాత్మ్య కథను చెప్పినవానిని వస్త్ర భూషణాలతో గౌరవించాలి.

ఎవరైతే వక్తను సంతోషపెడతారో వారు నన్ను (శివుని) సంతోషపెట్టినట్లే. కాబట్టి

వక్తను వారి శక్త్యనుసారం గౌరవించాలి.

ఎవరైతే అత్యంత భక్తిశ్రద్ధలతో ఈ శ్రావణమాస మాహాత్మ్యాన్ని చదువుతారో లేదా వినిపిస్తారో లేదా వింటారో వారు అనంతమైన పుణ్యఫలాన్ని పొందుతారు.

♦️శ్రీ స్కాందపురాణంలో ఈశ్వర సనత్కుమార సంవాదరూపంగానున్న శ్రావణమాస మాహాత్మ్యమందు ఇరువది ఏడవ అధ్యాయము సమాప్తము.